Å·ÃÀÐÔ°®Æ¬

Mae ein graddau Peirianneg Electronig BEng ac Meng a’n graddau Peirianneg Systemau Cyfrifiadurol BEng ac Meng wedi'u hachredu gan yr Ìý Institution of Engineering and Technology, sy'n golygu bod sgiliau a ddysgir a phriodoleddau yn cael eu cydnabod fel y cam cyntaf tuag at ennill cymhwyster proffesiynol Peiriannydd Siartredig neu Wyddonydd Siartredig.

Cewch eich dysgu gan arbenigwyr sydd yn ymwneud ag amrywiaeth o ymchwil ym maes peirianneg, ac yn gwneud defnydd o’r cyfleusterau rhagorol yma ym Mhrifysgol Å·ÃÀÐÔ°®Æ¬. Mae ein staff academaidd yn cynnal cysylltiadau â diwydiant i sicrhau bod cyrsiau'n adlewyrchu datblygiadau diweddar. Mae gennym hefyd staff sy'n arbenigo mewn dysgu mathemateg i beirianwyr.

Cewch eich dysgu gan ddarlithwyr sydd am eich gweld yn ffynnu. Rydym yn gweld ein holl fyfyrwyr fel unigolion ac yn deall eu cryfderau. Mae drysau ein swyddfeydd bob amser yn agored i'n holl fyfyrwyr, p'un a ydynt yn dymuno trafod eu gwaith academaidd, eu damcaniaethau ymchwil neu gael sgwrs am fywyd. Mae unrhyw un sy'n dewis astudio gyda ni yn cael help pob cam o'r ffordd.

Byddwch yn defnyddio cyfleusterau labordy o'r radd flaenaf. Yn ogystal â labordai addysgu mawr, gydag offer o safon uchel, mae gennym sawl labordy ymchwil hefyd. Mae gennym ystafelloedd cyfrifiaduron gyda meddalwedd o safon diwydiant a'n llyfrgell gyfeirio ein hunain.

Mae ein hymchwil a’n cysylltiadau â diwydiant yn sicrhau bod ein cyrsiau yn adlewyrchu datblygiadau diweddar. Mae ein staff yn beirianwyr ymarferol sy’n gweithio ar brojectau ac yn ymgynghorwyr i ddiwydiant. Mae ein holl gyrsiau ar gael gyda blwyddyn ar leoliad.